ماهو تخصص موارد البشرية باختصار تجيب علية احد الاخوات من كلية ادارة الاعمال بجامعة الملك سعود
على ما أعرف إن ما فيه أحد من البنات تخصصه موارد بس خل أفيدك باللي أعرفه
الموارد هي مسار من تخصص الادارة العامه وتحددينه بعد المستوى الخامس
HR بكل بساطة هي فن إدارة القوى العاملة اللي هم الموظفين
وتهتم بكل شيء فيهم يعني صدق بكل شيء
هي المسؤولة عن توظيفهم من فرز للسي ڤيز وتعمل لهم مقابلات و ع هالأساس تقبلهم
أو ترفضهم
حتى فيه حاجه اسمها Head Hunters
هذولي شغلتهم الوحيدة إنهم يستقطبوا الأشخاص المميزين عشان يوظفونهم عندهم،
يبحثون عنهم في المواقع والشركات وكل مكان ويجيبوا كل المعلومات وإذا شافوا إنك
شخص ذو كفائة عالية تواصلوا معك وعطوك عرض أحسن من الوظيفة اللي أنتِ فيها
وكل فترة يسوون تقييم للموظفين
وفيه شركات ع أساس التقييم تعطي الموظفين علاوة(بونص) سنوي أو مكافأة
وبعد مسؤولين عن تطوير ادائهم الوظيفي يعني يعملوا لهم دورات أو يدربونهم في
مجالهم سواء داخل البلد أو خارجه
وبعد مسؤلين عن الموظّفين بعد ما يستقيلون وإجراءات الاستقالة والتقاعد
وبعد لو فيه طلاب يبون تدريبي صيفي أو تعاوني دائمًا يتواصلون مع قسم ال HR
وما فيه شركة ما فيها قسم لل HR
وبس
أما من ناحية أكاديمية و دراسة وكذا فما عندي خلفيّه للأسف
- سارة الفاخري
ليست هناك تعليقات:
إرسال تعليق